Liebevolle Tagesmami sucht kleine Wirbelwinde :-) Raum Winterthur

TAGESMAMI in Winterthur

Ich bin sit 12 Jahr Tagesmami und betreue d Kids bi eus dihei in Oberi, da hettis jetzt wider Platz für es neus Knöpfli.
Mir wohned ime grosse Huus mit Garte, wos alles git wo chlini Kids happy macht, im Sand buddle oder Sandsuppe kochä, Trampolin gumpä, Velööli fahrä oder im Summer bedlä.

Au händ mir es paar Frücht wo wachsed womer im Summer zwüschedure darf schnause oder s Gmüed usem Garte womer zum zmittag chend ärnte
Im DG gits au es extra Spielzimmerli womer wenns verusse chuddlet chend spilä, da gits alles für Bäbimamis und Papis, eppis z Pöstele oder au en huufe Büechli zum aluege.
Im 1.OG/DG gits au verschideni Zimmerli und Schlafmöglichkeite damit sich di chlinste na chend usruebe nach de Action am Morge ??
Im EG wird euses Wohnzimmer am Sunntig amel zur Spielstube eso gits au da en huufe zum spile, maalä, kreativ sii oder mir bached und koched mitenand

Am liebste sind mir aber wie me seht a de frische Luft, ich bi meistens Morge und Namittag verusse und mir bsueched verschideni Spielplätz, d Buurehöf, mached chlineri Usflüg oder baued au emal es Indianerzelt im Garte uf und mached Schlangebrot überem Füür, wies eus gluschted u d mir möged.

Ich freu mich vo eu z ghöre wenn ier na es Plätzli sueched wos zwar en strukturierte Tagesablauf git, aber wo mit viel Humor und Herz betreut wird